Film Rating အကြောင်း

ဇာတ်ကားအခွေတစ်ခွေ ဝယ်တဲ့အခါ အခွေအဖုံး၊ အခွေကာဗာဟာ အရေးကြီးပါတယ်။ ဇာတ်ကားနဲ့ပတ်သက်တဲ့ သိသင့်သိထိုက်တာမှန်သမျှကို အခွေအဖုံးမှာ ရေးပေးထားပါတယ်။ 

ရှေ့ဖုံးမှာ ဇာတ်ကားပိုစတာ၊ မင်းသားနာမည်၊ မင်းသမီးနာမည်၊ ဒါရိုက်တာနာမည်၊ ဆုရထားရင် ရထားတဲ့ဆုတံဆိပ်၊ နောက်ပြီးတော့ ဝေဖန်ရေးဆရာတွေကပေးတဲ့ မှတ်ချက်စကား စတာတွေပါပါတယ်။ 

နောက်ဖုံးမှာ ဇာတ်ကားအကျဉ်း၊ ဇာတ်ဝင်ခန်းတစ်ချို့ရဲ့ပုံ၊ ထုတ်လုပ်တဲ့ကုမ္ပဏ္ဏီ၊ ဖြန့်ချိတဲ့ရက်စွဲ၊ အခွေအမျိုးအစား၊ ဇာတ်ကားကြာချိန် စတဲ့ ဇာတ်ကားနဲ့ပတ်သက်တဲ့ အသေးစိတ်အချက်အလက် (Detail) ပါပါတယ်။

အဲဒီနောက်ဖုံးမှာ G, PG, PG-13, R, NC-17 စတဲ့စကားလုံးတွေကို လေးထောင့်ကွက်နဲ့ ထည့်ရေးပေးထားပါတယ်။ အဲဒါဟာ ဒီဇာတ်ကားရဲ့ Rating ဖြစ်ပါတယ်။ အမေရိကန်ရုပ်ရှင်အစည်းအရုံး (The Motion Picture Association of America) က သုံးတဲ့စနစ်ဖြစ်ပါတယ်။ ကိုယ်ဝယ်လိုက်တဲ့အခွေဟာ ကလေးတွေရှေ့မှာ ကြည့်သင့်မကြည့်သင့် ခွဲခြားနိုင်အောင် ဖြစ်ပါတယ်။

ကျွန်တော် အခု တစ်ခုချင်းစီရဲ့ အဓိပ္ပာယ်ကို ရှင်းပြပေးပါ့မယ်။

"G" 

G ဆိုတာက ဇာတ်ကားထဲမှာ ရိုင်းပြတဲ့ အမူအရာ၊ စကားလုံး ဘာဆိုဘာမှ မပါဝင်တဲ့ ဇာတ်ကားတစ်ခုကို ဆိုလိုတာပါ။ ရှင်းရှင်းပြောရရင် ပစ်တာခတ်တာ၊ ဆဲတာဆိုတာ ဘာမှမပါဘူးပေါ့။ "Fuck" လို့ ယောင်ပြီးတော့ သုံးတဲ့အခန်းတောင် မပါဘူးပေါ့ဗျာ။ ဒီစကားလုံးဟာ ဆဲတဲ့နေရာမှာ သုံးတာတင်မဟုတ်ဘူး။ ယောင်တဲ့နေရာမှာလည်း သုံးတာပဲ။ နာလို့အော်ရင်လည်း သုံးတာပဲ။ ဒါမျိုးကျတော့ ဆဲတာမဟုတ်ဘူးပေါ့။ ညစ်ညမ်းတဲ့စကားလုံးပေါ့။ Nude Word ပေါ့။ အဲသလို Nude Word တောင် မပါတဲ့ ဇာတ်ကားမျိုးကို G လို့ သတ်မှတ်ပါတယ်။ အသက်အရွယ်ကန့်သတ်ထားခြင်း မရှိပါဘူး။ မည်သူမဆို ကြည့်နိုင်ပါတယ်။

"PG"

PG အဆင့်သတ်မှတ်ထားတဲ့ ဇာတ်ကားတိုင်းဟာ ကလေးတွေကြည့်ဖို့ သင့်ချင်မှ သင့်ပါလိမ့်မယ်။ မိဘတွေအနေနဲ့ ကလေးတွေမကြည့်ခင် ကိုယ်က အရင်ကြည့်သင့်ပါတယ်။ Nude Word လေးတွေ ပါကောင်းပါနိုင်ပါတယ်။ ခပ်ကြမ်းကြမ်းဇာတ်ကွက် (Violence Scene) လေးတွေ နည်းနည်းပါနိုင်ပါတယ်။ Violence Scene ဆိုတာ ပစ်တာခတ်တာကိုတင် ဆိုလိုတာ မဟုတ်ပါဘူး။ ရန်ဖြစ်တာ၊ စကားများတာ၊ အော်ဟစ်ကြတာ စတာတွေလည်းပါဝင်ပါတယ်။ ဒါပေမယ့် မူးယစ်ဆေးသုံးတဲ့အခန်း (Drug Use) ကတော့ လုံးလုံးမပါပါဘူး။

"PG-13"

(PG-13 အခွေတစ်ခုရဲ့ နောက်ကျောဖုံး)

PG-13 ဆိုတာကတော့ ရှင်းပါတယ်။ ၁၃ နှစ်အောက်ကလေးတွေ ကြည့်လို့မရဘူးလို့ ဆိုလိုတာပါ။ PG ဇာတ်ကားထက်စာရင် ကလေးမကြည့်သင့်တဲ့အခန်း ပိုများလာပြီပေါ့။ PG မှာတုန်းက Nude Word ပဲပါတာပါ။ ကျွန်တော် အပေါ်မှာ ပြောခဲ့သလို ယောင်လိုက်တာမျိုးပေါ့။ ဒါပေမယ့် "Fuck" လို့တော့ ယောင်လို့မရပါဘူး။ တခြား စကားလုံးနဲ့ ယောင်တာမျိုးပဲ ရပါတယ်။

ဒီအဆင့်မှာတော့ ဆဲတာဆိုတာ ပါပါတယ်။ ဒါပေမယ့် sexually-derived words (လိင်ပိုင်းဆိုင်ရာမှ ဆင်းသက်လာသော စကားလုံး) မျိုးနဲ့ ဆဲတာကိုတော့ ကန့်သတ်ထားပါတယ်။ တစ်ခါပဲ အဲသလိုစကားလုံးမျိုး သုံးလို့ရပါတယ်။ ဇာတ်ကားထဲမှာ နှစ်ခါပါလာရင် သူ့ကို နောက်တစ်ဆင့်ဖြစ်တဲ့ R လို့ သတ်မှတ်ပါတယ်။

နည်းနည်းရှုပ်သွားပြီလားမသိဘူး။ ကျွန်တော်က PG-13 ဆိုတာရဲ့ အဓိပ္ပာယ်ကိုတင်မဟုတ်ဘူး။ ဘာဖြစ်လို့ ဒီအဆင့် သတ်မှတ်ရသလဲဆိုတာကိုပါ သိစေချင်လို့ပါ။ နည်းနည်း သည်းခံပေးပါခင်ဗျာ။

ပြန်ချုပ်ရရင် PG-13 က PG ထက်စာရင် ကလေးမကြည့်သင့်တဲ့အခန်း ပိုများတယ်။ ဆဲတာဆိုတာ ပါလာပြီ။ လိင်ပိုင်းဆိုင်ရာနဲ့ ပတ်သက်တဲ့စကားလုံးမျိုးနဲ့ ဆဲလို့မရဘူး။ Fuck တို့ Suck It တို့။ (ဒုက္ခပါပဲ။ ဆဲနည်းတွေ သင်ပေးသလို ဖြစ်ကုန်ပြီ။) ဆဲရင်လည်း တစ်ခါပဲခွင့်ပြုတယ်။ နှစ်ခါဆိုရင် နောက်တစ်ဆင့် R လို့ သတ်မှတ်တယ်။ 

"R"

(R အဆင့်ရှိဇာတ်ကားတစ်ကားရဲ့ နောက်ကျောဖုံး)

R အဆင့်ကို ခပ်လွယ်လွယ်ပြောရရင် အသက် ၁၅ နှစ်အောက် ကြည့်လို့မရဘူးလို့ ပြောလို့ရပါတယ်။ ဒါပေမယ့် ဒါဟာ MPAA က သတ်မှတ်ထားတာတော့ မဟုတ်ပါဘူး။ သူတို့ပြောတာကတော့ R အဆင့်ရှိတဲ့ဇာတ်ကားတစ်ကားကို ကြည့်မယ်ဆိုရင် ဘေးနားမှာ မိဘအုပ်ထိန်းသူပါမှ ကြည့်ခွင့်ပေးမှာ ဖြစ်ပါတယ်။ ရုပ်ရှင်ရုံမှာ လက်မှတ်ဝယ်မယ်ဆိုရင် မိဘပါ ပါမှ ရောင်းမှာပါ။ PG-13 ဟာ အသက် ၁၃ နှစ်အောက် မကြည့်ရဘူးလို့ ကန့်သတ်ထားတာ ဖြစ်တဲ့အတွက် R အဆင့်ရှိတဲ့ ဇာတ်ကားကို အသက် ၁၃ နှစ်အထက်ဆိုရင် ကြည့်လို့ရတယ်လို့ ဆိုလိုတဲ့သဘောပါပဲ။ ဒါပေမယ့် တကယ်တော့ ၁၅ နှစ်ကျော်မှ ပေးကြည့်ပါတယ်။ တရားဝင်သတ်မှတ်ချက်တော့ မဟုတ်ပါဘူး။

R အဆင့်ရှိတဲ့ဇာတ်ကားမှာတော့ ပစ်တာခတ်တာ၊ သွေးသံရဲရဲသတ်တာဖြတ်တာ၊ လိင်ပိုင်းဆိုင်ရာ စကားလုံးတွေ ဗုံးဗောလအော သုံးတာ၊ လူကြီးကြိုက်အခန်းတွေ၊ မူးယစ်ဆေးသုံးတာတွေ အကုန်ပါပါတယ်။

လူကြီးကြိုက်အခန်းနဲ့ ပတ်သက်လို့ နည်းနည်းပြောပြရပါမယ်။ ဇာတ်ကားမှာ နှုတ်ခမ်းချင်းနမ်းတဲ့အခန်းတစ်ခန်းပါတာနဲ့ ဒါကို R လို့ သတ်မှတ်လိုက်ပါတယ်။ နမ်းတာလေးပဲ ပါတာတောင် R လို့ သတ်မှတ်ပါတယ်။ အဲဒီထပ်ပိုတာဆိုရင်လည်း R ပါပဲ။ အဲဒီတော့ ဇာတ်ကားတစ်ကားမှာ R လို့ ရေးထားတာ တွေ့တာနဲ့ ကျိန်းသေပေါက် ပြောဖို့တော့ ခက်ပါတယ်။ အနည်းဆုံးတော့ နမ်းတာ တစ်ခန်းပါနိုင်ပါတယ်။ ဒီထပ်ပိုတဲ့ ရိုက်ကွက်မျိုးတွေလည်း ပါနိုင်ပါတယ်။

"NC-17"

NC-17 ဆိုတာက အသက် ၁၇ နှစ်အောက် မကြည့်ရဘူးလို့ ဆိုလိုတာပါ။ အင်မတန် ကြမ်းတမ်းတဲ့ သတ်ခန်းဖြတ်ခန်းမျိုးတွေပါတဲ့ ဇာတ်ကားကို NC-17 သတ်မှတ်ပါတယ်။ လိင်ပိုင်းဆိုင်ရာနဲ့ ပတ်သက်လို့ အပြာကားလောက်နီးနီး အဖော်အချွတ်ပြတဲ့ ဇာတ်ကားမျိုးကိုလည်း NC-17 သတ်မှတ်ပါတယ်။ ဥပမာပြောရရင် မနှစ်က ထွက်ထားတဲ့ Blue Is The Warmest Colour လို ပြင်သစ်ဇာတ်ကားမျိုး။ နောက်ပြီး 2011 ကထွက်တဲ့ Shame လိုဇာတ်ကားမျိုး။ ဒါတွေကို NC-17 သတ်မှတ်ပါတယ်။ ဒီလောက်ဆိုရင် ဘယ်လိုဇာတ်ကားမျိုးကို ဒီအဆင့်သတ်မှတ်တယ်ဆိုတာ သဘောပေါက်လောက်ပါပြီ။

ကျွန်တော် ဒါဆောင်းပါးကို ရေးရတဲ့အကြောင်းရင်းက ဒီလိုပါ။ ကျွန်တော်ငယ်ငယ်တုန်းက အခွေငှားဆိုင်မှာ အခွေသွားငှားပါတယ်။ အစ်မကြီးနှစ်ယောက်ကလည်း အခွေလာငှားနေပါတယ်။ သူတို့က အင်္ဂလိပ်ကားတစ်ကားကို သဘောကျလို့ ငှားမယ်ဆိုတော့ ဆိုင်ရှင်အစ်ကိုကို မေးပါတယ်။ "ဒီကားက သန့်လား"တဲ့။ အဲဒါနဲ့ ဆိုင်ရှင်က ပြန်နောက်ပါတယ်။ "သန့်ပါတယ်။ ကျွန်တော် ခုနလေးကမှ ရေချိုးပေးထားတာပါ"တဲ့။ ပြီးတော့မှ သူက "ညီမလေးတို့ ဆိုလိုတာ ဘာခန်းညာခန်းပါလားလို့ မေးချင်တာမလား။ ဘာမှမပါပါဘူး။ သန့်ပါတယ်" လို့ ပြန်ပြောလိုက်ပါတယ်။ အဲဒီတော့မှ ဟိုအစ်မနှစ်ယောက်ကလည်း ငှားသွားပါတယ်။

အဲဒီအဖြစ်အပျက်လေးကို ပြန်တွေးမိတော့ ဒီအကြောင်းကို ရုပ်ရှင်ချစ်သူတွေ သိအောင် ရေးပေးဦးမှပဲဆိုပြီး ရေးဖြစ်သွားတာပါ။ အားလုံးပဲ ကျေနပ်နိုင်ကြပါစေခင်ဗျာ။

P.S - ဒီစနစ်ဟာ သိပ်မပြည့်စုံပါဘူး။ အထူးသဖြင့် R နဲ့ NC-17 နဲ့ဟာ ရောနိုင်ပါတယ်။ ဒါ့ကြောင့် အမေရိကန်ရုပ်ရှင်အစည်းအရုံး MPAA က ဒိထက် ပိုအသေးစိတ်ကျတဲ့ Rating System တွေ ထပ်လုပ်ပြီး သုံးနေပါပြီ။ ဒါပေမယ့် အခွေဝယ်မယ်ဆိုရင်တော့ ဒါကိုသိထားရင်ပဲ လုံလောက်ပါပြီ။ ပြီးတော့ ဒါဟာ အမေရိကမှာပဲ သုံးတာပါ။ နိုင်ငံအလိုက် ကွဲပြားပါတယ်။

ထပ်လေ့လာချင်ရင် အောက်ကလင့်နှစ်ခုမှာ လေ့လာနိုင်ပါတယ်။ ဇာတ်ကားနာမည်ကိုရိုက်ထည့်ပြီး ဘာအဆင့်လဲဆိုတာ ရှာလို့ရပါတယ်။

Movie Locos ကိုနှိပ်ပါ။

Movie Locos ကိုနှိပ်ပါ။

ကျွန်တော့်ရဲ့ဖေ့စ်ဘုတ်ပေ့ခ်ျ Movie Locos ကို အားပေးကြပါဦးခင်ဗျာ။