ဗိသုကာ ပညာရှင်များ (သို့) သက်ရှိများ အသက်ရှင်ရေးအတွက် အရေးပါသော (Diatoms) ရေညှိပင်များ

Diatoms ဆိုတာ အလွန့်အလွန်သေးငယ်တဲ့ ရေညှိပင်လေးတွေဖြစ်ပါတယ်။ ဘယ်လောက်သေးလဲဆိုရင် ဒီအပင်လေးတွေ တစ်သောင်းလောက်ကို စုထားလိုက်ရင် အချင်းဟာ တစ်မီလီမီတာပဲရှိပါတယ်။ တင်စားပြီးပြောရမယ်ဆိုရင် သူတို့ဟာ လူသားတွေ အပါအဝင် ကုန်းနေ သတ္တဝါတွေရဲ့ အသက်ဟာ သူတို့ရဲ့လက်ထဲမှာ ရှိနေပါတယ်။ ကျွန်တော်တို့ ရှုသွင်းနေတဲ့ အောက်စီဂျင်အများစုဟာ ဒီ Diatoms တွေရဲ့အလင်းဖြင့် အစာ ချက်လုပ်ခြင်း လုပ်ငန်း (Photosynthesis) ကနေ ထုတ်လုပ်ထားတာ ဖြစ်ပါတယ်။ သူတို့ဟာ အောက်စီဂျင် ထုတ်လုပ်ရေး စက်ရုံတွေလိုပါပဲ။  ထရီလီရန်နဲ့ ချီတဲ့ Diatoms တွေဟာ လေထုထဲကို အသက်အတွက် အရေးပါတဲ့ အောက်စီဂျင် ဖြန့်ဖြူးခြင်းလုပ်ငန်းကို ဆောင်ရွက်နေကြပါတယ်။
သူတို့တွေဟာ ရေနေသတ္တဝါတွေရဲ့ အစာကွင်းဆက် ဖြစ်စဉ်အတွက်လည်း အလွန်အရေးပါတဲ့ နေရာကနေ ကပြ အသုံးတော်ခံ နေပါသေးတယ်။ သူတို့ဟာအလွန်သေးငယ်တဲ့ ရေနေ သက်ရှိလေးတွေရဲ့အခြေခံ အစာအရင်းအမြစ် ဖြစ်ပါတယ်တစ်ဆက်တည်းမှာ ဒီရေနေ သက်ရှိလေးတွေဟာလည်း အခြားကြီးမားတဲ့ ငါးသလောက်လို သက်ရှိတွေ အတွက် အစာဖြစ်နေပါတယ်။ ဒါ့အပြင် အလွန်ကြီးမားသော ရေနေသတ္တဝါတွေမှာတောင် Diatom ကိုသာ တိုက်ရိုက်စားသုံးတဲ့ အကောင်တွေရှိပါတယ်။ ဥပမာ Humpbacked Whale လို ဝေလငါးဟာ Diatoms တွေကိုသာ စားပါတယ်။ နာရီ အနည်းငယ်အတွင်းမှာတင် ဒီဝေလငါးဟာ Diatoms ပေါင်း သန်းပေါင်း သန်းနဲ့ချီပြီးကို စားတာဖြစ်ပါတယ်။ Diatoms တွေရဲ့ အလွန်တရာ လေးစားထိုက်တဲ့ အရည်အသွေး ကတော့ သူတို့ရဲ့ဖာသာသူတို့ တည်ဆောက်ထားတဲ့ သူတို့ရဲ့ အခွံ (အိမ်)ပဲဖြစ်ပါတယ်။  ပင်လယ်ထဲမှာရှိတဲ့ ဆီလီကာ (ဆီလီကွန်ဒိုင်အောက်စိုက်) လေးတွေနဲ့ သူတို့ဟာသူတို့ရဲ့ ပြောင်မြောက်တဲ့ ဗိသုကာလက်ရာနဲ့ အိမ်ကို ပြုလုပ်ကြပါတယ်။Diatoms မျိုးစိတ်ပေါင်း ၂၅၀၀၀ခွဲကျော်လောက် ရှိပေမဲ့ Diatom တစ်ခုခြင်းစီရဲ့အိမ်တွေဟာ တစ်မျိုးနဲ့တစ်မျိုး လုံးဝမတူပဲ လှပကြပါတယ်။ ဥပမာ တစ်ချို့သော အိမ်လေးတွေရဲ့တည်ဆောက်ပုံတွေဟာ တစ်ဖိတ်ဖိတ်တောက်ပနေတဲ့ မီးဆိုင်းလေးတွေလိုပါပဲ။
Diatoms တွေဟာ သူတို့ရဲ့အခွံတွေကို ရေထဲမှာပျော်ဝင်နေတဲ့ ဆီလီကွန်တွေကို အဖိုးတန်ကျောက်မြတ်ရတနာတွေနဲ့ အသွင်အပြင်တူတဲ့ ဆီလီကာ အဖြစ်ကူးပြောင်းပြီး ထုတ်လုပ်ပါတယ်။ ဒီလိုကူးပြောင်းခြင်းရဲ့ ရလဒ်အဖြစ် ပေါ်ထွက်လာတဲ့ ဖန်နဲ့တူတဲ့ အခွံလေးတွေဟာ စိတ်ကူးနဲ့တောင်မှန်းဆလို့ မရတဲ့ ပြီးပြည့်စုံတဲ့ဗိသုကာတွေ ဖြစ်လာပါတော့တယ်။ ဒီအခွံလေးတွေမှာရှိတဲ့ လေ (အောက်စီဂျင်၊ ကာဗွန်ဒိုင်အောက်စိုက်) ဝင်ပေါက်လေးတွေဟာ ဆိုရင် ပိုတောင်အမှားမခံတဲ့အရာလေးတွေပါ။
အခုကျွန်တော်တို့ စဉ်းစားကြည့်ရအောင်။ အလွန်စိတ်ကူးဉာဏ်ရင့်သန်တဲ့ လူသား ဗိသုကာပညာရှင်တစ်ဦး ရှိတယ်ဆိုပါစို့။ ဒါပေမယ့် သူ့မှာ ဆောက်လုပ် ပုံဖော်တဲ့ အခါမှာ အသုံးပြုရမဲ့ Materialsတွေနဲ့ ပတ်သက်ပြီး လုံလောက်တဲ့ ဗဟုသုတမရှိဘူး (ဒါမှမဟုတ်) ဗဟုသုတရှိပေမယ့် အဲဒီ Materialsတွေ သူ့မှာ လက်ဝယ် မရှိဘူးဆိုရင်  သူရဲ့ စိတ်ကူးဉာဏ်ရင့်သန်မူဟာ အကောင်အထည်ဖော်လို့မရပါဘူး။ ဒါပေမယ့် Diatoms တွေကတော့ ဗိသုကာပညာရှင်တွေလို မယှဉ်နိုင်သော ဒီဇိုင်း စွမ်းရည်ကို ပြသနိုင်ယုံ သာမက၊သူတို့ရဲ့ အလွန်သေးငယ်လှတဲ့ ခန္ဓာကိုယ်နဲ့  ဒီလိုပြောင်မြောက်တဲ့ တည်ဆောက်မူကို ပြုလုပ်နိုင်ရန် ဓာတုဗေဒ ချိန်ညှိမူတွေကို ပြုလုပ်နိုင်ပါတယ်။ အပ်ခေါင်း ထိပ်လေးလောက် အရွယ်အစားရှိတဲ့ ၊ဦးနှောက်နဲ့ အာရုံကြောစနစ်တွေ မပါဝင်တဲ့ Diatoms လေးတွေဟာ ဓာတုဗေဒ ပညာရပ်၊ ဗိသုကာ ပညာရပ်တွေကို သင်ကြားခံထားရသလို လှပတဲ့အိမ်လေးတွေ တည်ဆောက်နေကြတာ ဖြစ်ပါတယ်။ ဒါ့အပြင် တည်ဆောက် လိုက်ကြတဲ့ အိမ်လေးတွေဟာ တစ်ခုနဲ့တစ်ခု လုံးဝ မတူညီကြပဲ အားလုံးဟာ ပြောင်မြောက်နေပါတယ်။
နောက်ထပ်အံ့ဖွယ်တစ်ခုကတော့ Diatoms တွေရဲ့အလွန်မြန်ဆန်တဲ့ မျိုးပွါးနှုန်းပဲ ဖြစ်ပါတယ်။ ဘယ်လောက်မြန်သလဲဆိုရင် Diatom တစ်ခုဟာ ၁၀ ရက်ကြာတဲ့အခါမှာ Diatoms ပေါင်း သန်းတစ်ထောင်ထိ ပွါးများနိုင်ပါတယ်။ သံသယမရှိပါနဲ့။ ဒါဟာ အစီအမံ ချမှတ်ထားတဲ့ ဒီဇိုင်းဖြစ်ပါတယ်။ သူတို့ဟာ ကျွန်တော်တို့ ရှုသွင်းနေတဲ့ အောက်စီဂျင်ရဲ့အဓိက အရင်းအမြစ် ဖြစ်ပါတယ်။ တကယ်လို့သာ သူတို့သာ ဒီလောက်ပွါးများနိုင်အောင် ဒီဇိုင်းချမှတ်ထားခြင်း မခံရဘူးဆိုရင် Diatom ရဲ့စွမ်းရည်ဟာ အဓိပ္ပါယ်ကင်းမဲ့ သွားပါလိမ့်မယ်။ဒါ့အပြင် ကျွန်တော်တို့ အခုအသုံးပြုနေတဲ့ ရေနံ အများစုဟာ သမိုင်းမတင်မီခေတ် ပင်လယ်ပြင်တွေမှာ သေဆုံးခဲ့တဲ့ Diatoms တွေကနေဖြစ်တည်လာတာဖြစ်ပါတယ်။
( Katie Aust, “ Non-renewableenergy sources and their effect on the environment”)